Friday, December 6, 2013

રૂપ


મા,
ક્યારેય પણ મેં તારી આંખમાં કાજળ નો'તું જોયું
ક્યારેય  મેં તારા હોઠ પર લિપસ્ટિક નો'તું જોયું
ગાલ પર નકલી લાલી કે ગળે હીરાનો હાર
નો'તો લીધો તેં કોઈ પણ  એવો અધકચરો આધાર …

પણ, તારી આંખોમાં અને હોઠ પર અને ગાલ પર અને ગળામાં,
અને આયુષ્યની અનિવાર્ય બાદબાકી પછી 

તારા હાથની અને મ્હોંની  ચામડીમાં પડેલી કરચલીઓમાં 
મેં જોયું'તું 
તારું અંતર:
એનો ઉજાસ, એની નિર્મળતા, એની ચમક, એની દમક …

કોઈ  નહીં કરી શકે તારા એ અંતરના રૂપનો મુકાબલો.

મારે માટે તો એ જ  રૂપ રૂપ  હતું … 

----

No comments:

Post a Comment