બારી બારણાં બંધ કરીને બેઠો'તો
તોયે
ઘૂસી ગયો
વાદળનો તોફાની ગગડાટ.
એ ગગડાટ વિમાસણમાં પડ્યો
માથું પછાડી, આવ્યો તેવો પાછો ફર્યો:
આ દીવાલો તો
મેઘ-મલ્હારના તાનમાં ગુંજી રહી છે ...
ગાઢ નીંદરમાં સોડ તાણીને સુતો'તો
ત્યાં ઊભરતાં આવી પડ્યાં
તાણવા માટે આતુર શમણાનાં પૂર.
વિમાસણમાં પડ્યાં, મધ-ઉછાળે શમી ગયાં
માથું પછાડી, આવ્યાં તેવા પાછા ફર્યાં:
આ માથાધારી તો
મ્ર્રુગજળને પચાવી બેઠો છે ...
-- ચંદ્રેશ ઠાકોર
નોર્થવિલ, મીશીગન
No comments:
Post a Comment