સૈનિકસંતાન
તું જાય છે
અને
મારા વાળમાં
તારી આંગળીની ધ્રુજારી મુકતો જાય છે.
પણ, ચિંતા ના કરીશઃ
તું પાછો ફરે એની રાહ જોતો
હું
મારા બાળપણને તારે માટે સાચવી રાખીશ
મારી રમતોને પણ અભરાઈ ઉપર ચઢાવી દઈશ
અને
તારી રાહ જોતો
માથે ઊડતા દરેક િવમાનને
ટગરટગર જોયા કરીશ,
રોજ રોજ ...
** યુદ્ધમાં જતા સૈનિકને જોઈને સ્ફુરેલી રચના
-- ચંદ્રેશ ઠાકોર
નોર્થવિલ, મીશીગન
Subscribe to:
Post Comments (Atom)
No comments:
Post a Comment